係時候打返前日去Avril Lavigne Live in HK o既野lu

早係5月去了TBDT的後得知Avril會在8月來港開演唱會，我呢d die hard fans就仆到咁去買左2人用的Standing Zone飛，諗都唔諗會有誰會陪我一齊去。幸好，ticket沒有浪費，和Carol一齊去。

當天，我 day off ，Carol要返，於是傍晚到鋪頭接佢，一齊搭巴士入去。

到了博覽館時差不多是7點半，便趕快入場，但仍不能企最前排。我記得買飛果時個場都唔係咁規劃，點知去到改哂….勁無奈…少了近距離接觸 o既機會

Avril 珊珊來遲，於9點鍾先開波，但也正是小天后的特色。一開場即唱GirlFriend，挑起聽眾情緒，之後亦不負我呢種由第一隻碟撐到而家 o既 fans所望，唱了很多 Let go的歌。因為 Let go始終是成名大碟。Sk8er boi、Complicated等，獨欠Tommorow，是因為某個原因？新碟中最受落的When u’r gone也在曲目之中。

總括來說，個多小時雖意猶未盡，但也喜出望外。特別是主辦把心機放在dancers身上，不同以往只靠歌手支撐全場，算是對幕後人的致敬吧。