Day 1

坐左二十四個多少時飛機，終於來到俄國首都莫斯科的機場DOMODEDOVO、距離市中心火車車程約1個多小時。過海關時有點驚，因為聽說海關成日屈人，好彩過果時都無事發生。由於人生路不熟，我的PK阿爸放棄搭的士入莫斯科。因此，我和一個四肢殘廢的阿伯就拿住差不多百幾二百磅的展品+少量行李搭火車入莫斯科(船運要好早執兼貴、空運更貴) 。行經Check-in lobby 時，看見有俄羅斯人著婚莎禮服，莫非佢地諗住係空中跳傘？不過Main Point 係新娘伴娘超正，簡直目不暇及。歷盡艱辛上到火車之後，由於我伯爺好撚鍾意講野，三唔識七都可以都可以講一大輪，所以係火車上佢識左2個俄國師奶，EVEN佢地唔識講英文。去到火車終站，離酒店有一段小距離，所以我伯爺同2個俄國師奶講請她們幫手叫的士，她們說費用1000盧布(USD$40) ，為了感謝她們的幫助，我伯爺送了一隻之前幫俄羅斯公司整的Coffee Mug給她們。上左的士之後，終於去到酒店COSOMOs。

Day 2

一早起身，去左酒店食早餐自助餐，有很多腸。之後去左會場，零布置。心後去左紅場同金百貨公司，見到好多香港人。跟住返番酒店，食小小野之後自已出左去。先去買電話卡，之後搭左500盧布的士去左市內有名的外國人街Starly Arbut，有上百年歷史。街內有很多鋪頭，攤販售賣紀念品，外國鋪頭，但很多都很貴，所以我都唔係買好多野。其實去Starly Arbut 的目的是因為上網查到果到有Starbucks，想要去Starbucks買野，點知無。之後諗住去另一家位於IKEA入面，問左紀念品店入面d職員有幾遠，佢話a little bit，再去問的士司機大約幾多錢，話1000-1500盧布，咁就去啦。點知搭左超過2100盧布都未到，問佢仲有幾耐，佢話5-6km，打左個突。叫佢返酒店又唔肯，話有20幾公里遠，咁唯有比哂身上d錢佢，心諗自已行返去點都唔會死啦。好彩係紀念品店買左張超廢Centre地圖，問路問方向都無大問題。行呀行，行左2個幾3個鐘，一路行一路見到莫斯科郊外美麗的一面，影左好多靚相。經過2個地鐵站都無入，因為身上得返18盧布，唔知夠唔夠錢買飛。過左第3個地鐵站見到Citibank，心諗行極到好似入唔到城，試下用Credit Card 挪錢，又得喎。於是就搭地鐵走啦。點知，莫斯科的地鐵係好靚，但轉車超複雜，個地圖又好難明，出錯閘又無得返轉頭要再買飛，搞左粒幾鐘先返到酒店，超累的說。

Day 3

開展，呢度d工人工作進度地慢，好多攤位無電，有d無招牌tim，搞左成日都無電到。晚上回酒店塞車塞到傻，要3個鐘頭…無奈

Day4

展期第2日，終於都無事。但無咩人行，樓下做零售展，見唔到個地板。

Day5&6

Nothing

Day 7

坐臥鋪由莫斯科去聖彼得堡，於早上8時到達。先被司機騙了500盧布行了15蚊港幣路程，去到酒店Moscow要等到12點先有得check-in。Hea左陣去隔離McCafé到買杯latte及吃了一份早餐， 之後去左冬宮及聖彼得柱影相，那裡氣派非常。冬宮是聖彼得大帝的行宮之一，而聖彼得柱是紀念俄國打勝仗而立的，沒有任何混凝土支撐的六百o頓柱，而見造型甚有俄國風格，最能拍到好照是黃昏，因為太陽照到柱的正面。

去完已經點幾，返酒店check-in，就係酒店訓成晚啦。

Day 8

食完無野食的breakfast buffet，就去市中心的一家220年多的百貨公司，因為佢地入過我地d野。之後就入去冬宮博物館，入面有好多價值連城的藝術作品，好幾幅達文西、米開蘭基羅，還有很多精致的雕像，館藏量非數十字能形容。行到2點零，一心諗住搭船去夏宮，點知d人話無船可以去，真係哂鬼氣，唯有返番酒hea。之後去左酒店對面的聖三一修道院和fun場。聖三一修道院是300多年前的建築，由於毗鄰小河，所以環境優美。而fun場則安葬多位名人，包括柴可夫斯基，而且每一個墓碑都經悉心設計，非常雅致，所以我影爆左張memory card。

之後返酒店。

Day9

又食完無野食的breakfast buffet，去了俄羅斯博物館，近代俄國畫作之藏地，Ilya Repin 的Barge Haulers on the Volga，每筆都非常細膩，而且表情很真實，每個人都表現出鮮明的個性，相同的感覺亦見於The Reply of the Zaporozhian Cossacks to Sultan Mahmoud IV。館內還有其他畫家和俄國工藝品、傢俬陳列。

離開後往隔壁的基督復活教堂，是彷照紅場的聖巴素大教堂而建，保留著洋蔥頭的金色屋頂，而外牆鋪滿鮮豔的馬賽克像，宏偉非常。但由於時間所限，未能入內參觀。而之後搭地鐵回酒店，遇上扒手。但他們的技術很差，比我們的中國同胞要差很多，很易發覺，所以沒有任何損失。返到酒店後，我們亦啟程回莫斯科機場回港。

這次行程看到很多香港沒有的東西，而且還有很多未去到，我想遲些我想再來一次，若至少是2010冬季奧運會後，起碼多d人講英文，交通也好些。